ԵՐԵՎԱՆ, 22 մայիսի — Sputnik. Պաշտպանը միջոցներ է ձեռնարկում «Բագրատաշենի» անցման կետում ստեղծված իրավիճակի հետ կապված։
Ինչպես տեղեկացնում են պաշտպանի գրասենյակից, ՀՀ պետական սահմանի «Բագրատաշեն» անցման կետում քաղաքացիների ունեցած դժվարությունների հանգամանքները պարզելու նպատակով Մարդու իրավունքների պաշտպանի աշխատակազմում նախաձեռնվել է վարույթ:
Պաշտպանի հանձնարարությամբ՝ իրավասու մարմինների հետ իրականացվում են աշխատանքներ քաղաքացիների իրավունքները երաշխավորելու նպատակով:
Ինչպես արդեն տեղեկացրել էինք, մի քանի օր է` լարված իրավիճակ է ստեղծվել Բագրատաշենի մաքսատանը։ Թուրքիայից ապրանք բերած առևտրականները պնդում են, որ 6–րդ օրն է Սահմանապահ զորքերի աշխատակիցներն իրենց փակել են անցակետի անգարում և թույլ չեն տալիս դուրս գալ։ Sputnik Արմենիային ԱԱԾ մամուլի խոսնակը հայտնել էր, որ Բագրատաշենի մաքսատանը ստեղծված իրավիճակի կապակցությամբ քննություն է ընթանում։