ԵՐԵՎԱՆ, 22 մայիսի — Sputnik. Հայաստանի ազգային հավաքականի ավագ և Լոնդոնի «Արսենալի» կիսապաշտպան Հենրիխ Մխիթարյանը Instagram սոցիալական ցանցում լուսանկար է հրապարակել աշխարհի ամենահայտնի ջութակահարներից մեկի` Արա Մելիքյանի հետ։
Լոնդոնյան «Արսենալի»,կիսապաշտպանը երաժշտի համերգին է գնացել։ Համերգը Մեծ Բրիտանիայի ամենահեղինակավոր համերգասրահներից մեկում էր` Ալբերտ հոլում։
«Իրական կյանքում քեզ հետ հանդիպելն իսկական երջանկություն է, Արա Մելիքյան։ Այսօր կրակ էիր։ Շնորհակալություն անհավանական համերգի համար», – գրել է Մխիթարյանը։
Հենրիխ Մխիթարյանն առաջիններից մեկն է շնորհավորել Սարգիս Ադամյանին
Ֆուտբոլիստի երկրպագուները բազում հաճոյախոսություններ են գրել Մխիթարյանի հասցեին, բայց քչերն են ճանաչել ջութակահարին։ Հավանաբար` հայ կիսապաշտպանի երկրպագուների մեծ մասը ծանոթ չեն երաժշտության աշխարհին, քանի որն նրանք նմանացրել են Մելիքյանին ֆրանսիացի ֆուտբոլիստ Մատեո Գենդուզիին։