ԵՐԵՎԱՆ, 21 մայիսի — Sputnik. Խոստումնալից դերասան Արա Դոլարյանը Ֆրեզնոյից կալանավորվել է զենքի անօրինական վաճառքի, փող լվանալու և դավադրությունների համար։ Այդ մասին The Business Journal պարբերականին երկուշաբթի ասել է ԱՄՆ–ի դատախազ Մաքգրեգոր ՈՒ. Սքոթը։
58–ամյա հային կասկածում են Արևելյան Եվրոպայից ու Հարավային Աֆրիկայից Նիգերիայի կառավարությանը միլիարդավոր դոլարի պայթուցիկ նյութեր, հրթիռներ, հրազենային զենքեր վաճառելու մեջ։
Բուլղարիայի մայրաքաղաքում ապրող տղամարդն իր անօրինական բիզնեսի համար օգտագործել է Dolarian Capital Inc. ընկերությունը, որը գտնվում է ԱՄՆ–ում։ Նրա գործընկերները որոշ ժամանակ կարծել են, որ նա թեյ է ներկրում և արտահանում։
Հայտնի է դարձել, որ Դոլարյանը զենքի միջազգային առևտրով է զբաղվել` վաճառելով ամեն ինչ` խորհրդային T-72 տանկերից մինչև հրթիռային սարքեր։
Դաշնային կառավարությունը 2015թ.–ի փետրվարին Դոլարյանի հաշիվներից առգրավել է ավելի քան 6 միլիոն դոլար։ Դրանից հետո տղամարդուն Հետաքննությունների դաշնային բյուրոն երկար ժամանակ որոնել են։
Ի դեպ, Դոլարյանի ծնողները եղել են Ֆրեզնոյի բնակիչներ. նրա մայրը` Ռոզա Դոլարյանը, ակտիվիստ է եղել, պայքարել խաղաղության համար, իսկ նրա հայրը` Արան, եղել է քաղաքում գեղարվեստական խորհրդի նախագահը։
Դոլարյանի գործով նախնական լսումները տեղի կունենան մայիսի 30–ին։ Եթե դատարանը Դոլարյանին մեղավոր ճանաչի բոլոր կետերով, ապա նրան սպառնում է մինչև 45 տարվա ազատազրկում և 100 միլիոն դոլար տուգանք։