ԵՐԵՎԱՆ, 20 մայիսի — Sputnik. ТНТ-ի ռազմավարական մարքեթինգի գծով փոխտնօրեն Ռուբեն Հովհաննիսյանը որոշել է լքել հեռուստաալիքը։ Այս մասին հայտնում է «Телеспутник» պարբերականը։
Ադմինիստրատորի խոսքով` դժվար էր նման որոշում կայացնելը։ Հովհաննիսյանը մտադիր է զարգացնել իր պրոֆեսիոնալ հմտություններն ու մարքեթինգի և կոնտենտի ստեղծման դասընթացներ անցնել։
«Ամռանն ավարտում եմ Global Executive MBA–n և մտադիր եմ ստացած բոլոր գիտելիքները կիրառել գործնականում», – մեկնաբանել է Հովհաննիսյանն իր հեռացումը։
2007-2013 թվականներին Ռուբեն Հովհաննիսյանն աշխատել է ТНТ–ի եթերային պրոմոյի դեպարտամենտի ղեկավարի պաշտոնում։ 2012 թվականի դեկտեմբերին գլխավորել «Перец» հեռուստաալիքը («СТС Медиа» հոլդինգի կազմում է)։