ԵՐԵՎԱՆ, 18 մայիսի – Sputnik. Մեր տեղեկություններով` այսօր արտառոց դեպք է տեղի ունեցել Սյունիքում։ Առավոտ վաղ Սալվարդ գյուղում ապրող մի տղամարդ Սիսիանի հիվանդանոց է տեղափոխել 84-ամյա հորը։ Նա մահացած է եղել։
Դիահերձման ժամանակ դատական բժիշկները մահացած տղամարդու պարանոցին վնասվածքի հետքեր են եղել։
Բուժհաստատությունից անմիջապես ահազանգել են տեղի ոստիկանություն։ Հիվանդանոց եկած իրավապահները պարզել են հետևյալը։ Նախնական վարկածով տղամարդն ինքնասպան է եղել։ Նրա դին այսօր առավոտյան տեսել են տուն դրսից վերադարձած ընտանիքի անդամները։ Տղամարդը ինքնասպանություն է գործել ննջարանում' հակի թելով կախվելով։ Իսկ թե նրա որդին ի սկզբանե չի հայտնել եղելությունը, իրավապահները դեռ կպարզեն։
Sputnik Արմենիայի տեղեկություններով` ինքնասպան եղած տղամարդը առողջական լուրջ խնդիրներ է ունեցել, և, ամենայն հավանականությամբ, այդ հանգամանքն էլ ստիպել է նրան ծայրահեղ քայլի դիմել։