ԵՐԵՒԱՆ, 18 մայիսի – Sputnik. Ողիմպիական փոխ ախոյեան Միհրան Յարութիւնեան Ռիօ-2016 Ողիմպիական խաղերէն յետոյ երէկ առաջին գօտեմարտ ունեցաւ յունահռոմէական ըմբշամարտի կանոններով եւ յաղթեց:
Գրասնոտարի մէջ տեղի ունեցող ըմբշամարտի «Ախոյեաններու գաւաթ» մրցաշարին Յարութիւնեան 67 քկ քաշային կարգին մէջ մրցեցաւ պելառուս Եարոսլաւ Գարտաշի հետ եւ յաղթեց ժամանակէն շուտ` 10:0:
Ան Instagram-ի իր էջին վրայ հրապարակած է գօտեմարտի տեսանիւթը եւ գրած. «Շնորհակալութիւն բոլորին` խելայեղ աջակցութեան համար: Սա մեր ընդհանուր յաղթանակն է: Յետոյ միայն աւելին պիտի ըլլայ»:
Նախօրօք ըմբիշը յայտնած էր, որ պիտի վերադառնայ մրցագորգ եւ վերցնէ այն, ինչ կը պատկանի իրեն:
Միհրան Յարութիւնեան ըմբշամարտի մրցագորգը լքած էր 2016թ.-ին` Ողիմպիական խաղերէն յետոյ: Ռիօ-2016-ին ան հանդէս կու գար ուսի վնասուածքով, այդուհանդերձ եզրափակիչին կողմնակալ մրցավարութեան պատճառով արժանացաւ ոչ թէ ոսկէ, այլ արծաթէ մետալի:
Ողիմպիական խաղերէն յետոյ Միհրանը հանդէս կու գար MMA-ի մէջ (խառն մենամարտեր) եւ ունեցած է 2 յաղթական մենամարտ: