ԵՐԵՎԱՆ, 18 մայիսի – Sputnik. Մայիսի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է շուրջ 80 անգամ: Այս մասին հայտնում է Արցախի պաշտպանության նախարարության մամուլի ծառայությունը։
«Հակառակորդը նշված ժամանակահատվածում տարբեր տրամաչափի հրաձգային զինատեսակներից ավելի քան 650 կրակոց է արձակել հայ դիրքապահների ուղղությամբ»«– նշված է հաղորդագրության մեջ:
ՊԲ առաջապահ զորամասերը շարունակում են հավատարիմ մնալ հրադադարի ռեժիմի պահպանմանը և վստահորեն իրականացնում իրենց առջև դրված մարտական խնդիրը:
Նշենք, որ անցած շաբաթվա ընթացքում Ադրբեջանը հրադադարի պահպանման ռեժիմը խախտել էր 180 անգամ և արձակել ավելի քան 3300 կրակոց։