ԵՐԵՎԱՆ, 16 մայիսի — Sputnik. Ամերիկահայ գործարար Ալեքսիս Օհանյանը, որն ամուսնացած է հայտնի թենիսիստուհի Սերենա Ուիլյամսի հետ, Instagram սոցիալական ցանցում հրապարակել է դստեր՝ Օլիմպիայի լուսանկարը։
«Փոքրիկի տոտիկները պետք է խուտուտ տալ», - գրել է լուսանկարի տակ երջանիկ հայրիկը։
Հմայիչ փոքրիկը ոչ ոքի անտարբեր չի թողել։ Օգտատերերը հիացել են նրանով և խնդրել Ալեքսիսին ավելի շատ նյութեր հրապարակել դստեր հետ։
«Ինչպիսի ատամիկներ», «Հայրիկի փոքրիկ աղջիկը, ուղղակի հրաշք է», «Պաշտում եմ ձեր ընտանիքը», - գրել են օգտատերերը։
Գրառումը չորս ժամում հավաքել է ավելի քան 47 հազար լայք։