ԵՐԵՎԱՆ, 16 մայիսի — Sputnik. Եվրատեսիլ 2019-ում Հայաստանը ներկայացնող Սրբուհի Սարգսյանը հաջող ելույթ ունեցավ Թել Ավիվում անցկացվող մրցույթի երկրորդ կիսաեզրափակիչում:
Walking Out երգի կատարումը ուղեկցվում էր բեմի ձևավորման հետաքրքիր լուծումներով: Երիտասարդ հայ երգչուհին բառի բուն և փոխաբերական իմաստով թեժացրեց Եվրատեսիլ 2019-ի երկրորդ կիսաեզրափակիչի բեմը:
Հիշեցնենք` այս երգի երաժշտության հեղինակներն են Lost Capital-ը (Հովհաննես Հովհաննիսյան, Աշոտ Պետրոսյան) և Tokionine-ը (Դավիթ Բադալյան), բառերի հեղինակը Գարիկ Պապոյանն է։
«Եվրատեսիլ 2019» մրցույթի առաջին կիսաեզրափակիչը կայացել էր մայիսի 14-ին, եզրափակիչ փուլը նախատեսված է մայիսի 18-ին։