ԵՐԵՎԱՆ, 14 մայիսի — Sputnik. ԱՄՆ–ը Եվրոպայում տեղակայում է միջուկային սպառազինություն` պատրաստվելով դրա կիրառմանը։ Այդ մասին ՌԻԱ Նովոստիին ասել է Ռուսաստանի ԱԳՆ սպառազինությունների չտարածման և վերահսկողության բաժնի տնօրեն Վլադիմիր Երմակովը։
«Ցավոք, Վաշինգտոնից կախում ունեցող որոշ երկրներ ձևացնում են, որ ոչինչ տեղի չի ունենում կամ ուղղակի վախենում են մտածել, որ 21–րդ դարում Եվրոպայի տարածքում տեղի է ունենում միջուկային զենք կիրառելու նախապատրաստություն` ոչ միջուկային պետություններին ընդգրկելով», – ասել է Երմակովը։
Երմակովը քննադատել է Եվրոպայի երկրներին նրա համար, որ թույլ են տալիս Վաշինգտոնին իրենց վտանգի ենթարկել։ Նրա խոսքով` ինչ մտերմացման մասին կարող է խոսք լինել, եթե «քաղաքակիրթ Եվրոպան» շարունակում է իրեն գցել միջուկային աղետի վտանգի տակ։
Մայիսի սկզբին ԱԳՆ–ն հայտարարել է, որ Ռուսաստանը դեմ է Եվրոպայում ամերիկյան միջուկային զենք տեղակայելուն։