ԵՐԵՎԱՆ, 14 մայիսի — Sputnik. «Գահերի խաղը» սերիալի Սերսեա Լանիստերը, որին մարմնավորում է դերասանուհի Լինա Հիդին, The Independent–ի վարկածով դարձել է ամենահայտնի չարագործը։
Պարբերականը գրում է, որ հերոսուհին սպառնալիքի տակ է դնում ցանկացած մարդու անվտանգությունը, որը նրա հետ հայտնվում է նույն տեսարանում, և ստիպում է նյարդայնանալ նույնիսկ ամենահանգիստ հանդիսատեսին։
Երկրորդ տեղում է կանանց բանտի հսկիչ Ջիմ Ֆեները «Վատ աղջիկներ» բրիտանական սերիալից։
Երրորդ տեղում է Գայ Բալթիմորը «Աստղային հածանավ Գալակտիկա» սերիալից, որին մարմնավորել է Ջեյմս Քելիսը։
Չորրորդ տեղում է Գուստավո Ֆրինգը «Վատից վատը» սերիալից։ Վարկանիշի հինգերորդ հորիզոնականում է Ջիպ Ռոզետին «Ընդհատակյա կայսրություն» սերիալից։