ԵՐԵՒԱՆ, 13 մայիսի-Sputnik. Մեքսիքայի Միչոաքան նահանգի Քոնկրեսը ընդունած է Օսմանեան Թուրքիոյ մէջ Հայոց ցեղասպանութիւնը ճանչցող եւ դատապարտող յայտարարութիւն մը: Այս մասին կը հաղորդէ «Արմենփրես»-ը:
Փաստաթուղթը ներկայացուած է կառավարող «Մորենա» կուսակցութեան պատգամաւոր Քրիսթինա Փորթիլօ Այալայի կողմէ: Յայտարարութիւնը ընդունելէ ետք Քոնկրեսը մէկ վայրկեան լռութեամբ յոտընկայս յարգած է Հայոց ցեղասպանութեան անմեղ զոհերուն յիշատակը: Փաստաթուղթի ընդունման ներկայ գտնուած է Միչոաքանի ՀՀ պատուոյ հիւպատոս Յակոբ Սահակեան:
Ասիկա առաջին դէպքն է, երբ Մեքսիքայի մէջ օրէնսդիր մարմինի մը կողմէ կ’ընդունուի Հայոց Ցեղասպանութիւնը ճանչցող եւ դատապարտող յայտարարութիւն: