ԵՐԵՎԱՆ, 10 մայիսի — Sputnik. ՀՀ վարչապետ Նիկոլ Փաշինյանը Facebook–ի իր էջում Արցախից ստացած իր տպավորություններն է գրել։
Նա անդրադարձել է մամուլում հաճախ հայտնվող այն թեզին, թե ոմանք փորձում են Արցախը դարձնել հակահեղափոխության օջախ:
«Արցախյան վերջին այցից կիսեմ տպավորություններս. եթե ոմանք փորձեն Արցախը դարձնել հակահեղափոխության օջախ, Արցախի ժողովուրդը այն կդարձնի հեղափոխության օջախ»,–գրել է Փաշինյանը:
Հիշեցնենք, որ ՀՀ վարչապետը` տիկնոջ` Աննա Հակոբյանի հետ մայիսի 9–ին մեկնել էր Արցախ` Շուշիի ազատագրման 27–ամյակի միջոցառումների մասնակցելու համար։
Մայիսի 8–ին նույն նպատակով Արցախում էր նաև ՀՀ 3–րդ նախագահ Սերժ Սարգսյանը։