ԵՐԵՒԱՆ, 10 մայիսի-Sputnik. Օրերս «Facebook»-ի օգտատէրերուն մօտ շրջանառութեան մէջ դրուած է լուսանկար մը, որ թրքական դպրոցներուն մէջ ազգային խտրականութեան ու թշնամանքի քարոզի ակնյայտ ապացոյց է:
Օգտատէրերէն մէկուն մեկնաբանութեան համաձայն` լուսանկարը առնուած է մանկական դասագիրքէ: Գիրքին մէջ մասնաւորապէս կ’ըսուի․
«Թրքական աշխարհը ներկայացնող շարք մը պետութիւններ կը տարածուին Միջին Ասիայէն մինչեւ Եւրոպա երկարող տարածաշրջանին մէջ: Ստեղծուած են բազմաթիւ եղբայրական երկիրներ, որոնց հետ մենք պատմական կապեր ու մշակութային ընդհանրութիւններ ունինք:
Ստորեւ նշուածներէն որ մէկը չի՞ կրնար մեզի հետ ընդհանուր մշակութային արժէքներ ունեցող եղբայրական պետութիւն համարուիլ:
ա․ Ուզբեկստան
բ․ Հայաստան
գ․ Ատրպէյճան
դ․ Ղրղզստան»:
Առաջարկուած տարբերակներէն որպէս ճիշդ պատասխան աշակերտները պէտք է ընտրեն «Հայաստան»: