ԵՐԵՎԱՆ, 8 մայիսի — Sputnik. 49 մասնավոր ներդրողեր 2018-19թթ–ին կառավարության կողմից հարկայի արտոնություններ են ստացել, որոնց դիմաց պարտավորվել են 255 մլրդ դրամի ներդրում կատարել ու ստեղծել 4000 նոր աշխատատեղ։ Այս մասին այսօր տարեկան ամփոփիչ ասուլիսում հայտարարեց ՀՀ վարչապետ Նիկոլ Փաշինյանը` անդրադառնալով Հայաստանում վերջին մեկ տարում իրականացված ներդրումային ծրագրերին։
«ԱԱՀ հետաձգման արտոնություն է տրվել ևս 7 ընկերության` 21 մլրդ դրամի ներդրում կատարելու և մոտ 444 նոր աշխատատեղեր ստեղծելու նպատակով»,– ասաց Փաշինյանը։
Գյուղացիական տնտեսություններին տրամադրվում են «էժան» վարկեր` «խելացի» անասնագոմերի կառուցման, կարկտապաշտպան համակարգերի տեղադրման համար։
Ցածր վարկերի փոխարեն գյուղացիները կարող են դիմել նաև կատարված աշխատանքի արժեքի 40-50 տոկոսը հետ ստանալու համար։
Մարզերում պետական բիզնես դասընթացների արդյունքում արդեն իսկ 120 նոր բիզնես է բացվել։