ԵՐԵՎԱՆ, 7 մայիսի — Sputnik. Այսօր՝ մայիսի 7-ին, ողբերգական դեպք է տեղի ունեցել Կոտայքի մարզում:
Քաղսի գյուղի տներից մեկի նկուղում կինն ամուսնուն կախված է գտել: Տղամարդը ինքնասպան է եղել սավանով խողովակից կախվելով: Նա 59 տարեկան էր:
Առավոտյան կինը նկատել է, որ ամուսինը չկա, ուստի սկսել է որոնել: Որոշ ժամանակ անց իջել է նկուղ ու նրան կախված տեսել:
Մեր տեղեկություններով՝ ինքնասպանություն գործած տղամարդը նաև երեխաներ ունի, որոնք արտերկրում են՝ աշխատելու նպատակով: Իրավապահները պարզում են այդ ծայրահեղ քայլին դիմելու պատճառները: