ԵՐԵՎԱՆ, 6 մայիսի — Sputnik. Այսօր՝ մայիսի 6-ին, բազմաթիվ վնասվածքներով Միքայելյան վիրաբուժության ինստիտուտ է տեղափոխվել երիտասարդ մի աղջիկ:
Մեր տեղեկություններով վնասվածքներից մի քանիսը եղել են գլխի շրջանում: Նա ստացել է անհրաժեշտ բուժօգնություն:
Աղջիկը հիվանդանոց է տեղափոխվել Քանաքեռ-Զեյթուն վարչական շրջանից:
Նախնական վարկածով՝ ընկերոջ հետ վիճել են, որի ընթացքում աղջիկը մտել է սենյակ ու փակել դուռը:
Ընկերը բռունցքով հարվածել է այդ դռան ապակուն: Այն փշրվել ու լցվել է դռան հետևում թաքնված աղջկա վրա, ինչի հետևանքով էլ նա մարմնական վնասվածքներ է ստացել: