ԵՐԵՎԱՆ, 4 մայիսի — Sputnik. Ապրիլի 28-ից մայիսի 4-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է շուրջ 250 անգամ Այս մասին տեղեկացնում է ՀՀ պաշտպանության բանակի մամուլի ծառայությունը։
«Նշված ժամանակահատվածում հակառակորդը տարբեր տրամաչափի հրաձգային զինատեսակներից ավելի քան 3000 կրակոց է արձակել հայ դիրքապահների ուղղությամբ»,– նշված է հաղորդագրության մեջ:
ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնել իրենց առջև դրված մարտական խնդիրը:
Նշենք, որ նախորդ շաբաթ Ադրբեջանը հրադադարի պահպանման ռեժիմը խախտել էր 300 անգամ և Արցախի ուղղությամբ ավելի քան 3700 կրակոց արձակել։