Լրագրողներ, որոնք զոհվել կամ դատապարտվել են ազատ խոսքի համար. մամուլի ազատության օրն է

ՄԱԿ գլխավոր քարտուղար Անտոնիու Գուտերիշը հայտարարել է. «Ժողովրդավարությունը չի կարող ամբողջական լինել առանց թափանցիկ և վստահելի տեղեկատվության: Վերջինս արդար և անկողմնակալ հաստատություններ կառուցելու անկյունաքարն է, քանի որ հաշվետու է պահում առաջնորդներին և հնարավորություն տալիս ճշմարտությունը բարձրաձայնել իշխանություններին։ Սա հատկապես ճշմարիտ է ընտրությունների շրջանում, ինչն էլ այս տարվա Մամուլի ազատության համաշխարհային օրվա շեշտադրումն է»։

Մամուլի ազատության տեսանկյունից առաջատար երկրներն են Նորվեգիան, Ֆինլանդիան, Շվեդիան, հետնապահներն են՝ Թուրքմենստանը, Հյուսիսային Կորեան:

Sputnik Արմենիայի ֆոտոշարքում ներկայացված են խոսքի ազատության համար պայքար մղած մարդիկ։ Եվ այդ պայքարը շարունակվում է։

1 / 6

Թուրքիայում սպանված հայազգի լրագրող, «Ակոս» թերթի խմբագրապետ Հրանտ Դինք։ Նրան սպանել են 2007թ–ի հունվարի 19–ին Ստամբուլում` հենց խմբագրության դիմաց:

2 / 6

2015թ.–ի հունվարի 7–ին Փարիզում` Charlie Hebdo ամսագրի խմբագրությունում տեղի է ունեցել ահաբեկչություն։ Հարձակման գլխավոր կասկածյալները` Սաիդ և Շերիֆ Կուաշի եղբայրները, հունվարի 9–ին ոչնչացվել են Ֆրանսիայի իրավապահ ուժերի կողմից հատուկ գործողության ընթացքում։

3 / 6

ՌԻԱ Նովոստի Ուկրաինա կայքի խմբագիր Կիրիլ Վիշինսկին կալանքի տակ է վերցվել 2018թ.–ի մայիսի 15–ին Կիևում։ Լրագրողին կասկածում են Դոնբասում ինքնիշխան հանրապետություններին աջակցելու և պետական դավաճանության մեջ։

4 / 6

Ջամալ Հաշոգի (Հաշուկջի)` լրագրող, մեկնաբան և գրող Սաուդյան Արաբիայից, որը հայտնի է դարձել որպես ԱՄՆ–ի և իր երկրի իշխանությունների քննադատ։ Դաժանաբար սպանվել է 2018թ.–ի հոկտեմբերի 2–ին Ստամբուլում Սաուդյան Արաբիայի դեսպանատան տարածքում։

5 / 6

«Ռոսիա սեգոդնյա» ՄՏԳ–ի հատուկ թղթակցի Անդրեյ Ստենինը մահացել է 2014թ.–ի օգոստոսի 6–ին Դոնեցկի շրջանում։ Ավտոմեքենան, որով նա մեկնել է խմբագրության շենք, գնդակոծվել է և այրվել ճանապարհին։

6 / 6