ԵՐԵՎԱՆ, 29 ապրիլի — Sputnik. Երևանի կենդանաբանական այգու Բենգալյան վագրը՝ Բինգոն, սատկել է։ Այս մասին հայտնում է այգու մամուլի ծառայությունից։
«Բինգոն այգում ապրում էր արդեն 10 տարի, որի մեծ մասն անցկացրել է իր չափերին անհամապատասխան, փոքր վանդակում` առանց ջրավազանի և կանաչ տարածքի: Նա նորակառույց ընդարձակ վանդակ էր տեղափոխվել 2015թ.-ից: Բինգոյի ծագումնաբանությունն անհայտ էր. վագրը նվիրաբերվել էր այգուն դեռևս 10 տարի առաջ՝ ամպուտացված պոչով»,–նշված է հաղորդագրության մեջ:
Օրերս հայտնի էր դարձել, որ Բինգոյի մոտ կա ընդգծված երիկամային անբավարարություն, իսկ արյան լաբորատոր հետազոտությունների արդյունքում ախտորոշվել էր լեյկոզ:
Բինգոն շատ երկար չի ապրի. մոսկվացի անասնաբույժը պատմեց վագրի հիվանդության մասին
Բինգոյի հետազոտման համար Երևան էին հրավիրվել Մոսկվայի և Լոնդոնի կենդանաբանական այգիների կենդանաբույժները։
Երևանի կենդանաբանական այգու նախկին անասնաբույժ Անուշ Ռաֆայելյանն էլ նշել էր, որ վագրի մոտ ախտորոշված արյան լեյկոզն իրականում հնարավոր չէր հայտնաբերել Հայաստանում։
Երևանի կենդանաբանական այգու վագրի մոտ արյան լեյկոզ կա, թե՞ ոչ. զարգացումներ`սկանդալի շուրջ
Նշենք, որ Երևանի կենդանաբանական այգում երեք վագր կար, որոնցից մեկը բերվել էր Մանվել Գրիգորյանի առանձնատան տարածքում գտնվող կենդանաբական այգուց։