ԵՐԵՎԱՆ, 29 ապրիլի — Sputnik. Գյումրու Պարույր Սևակ 8 շենքի 8-րդ բնակարանի բնակիչ, 80-ամյա Ռոբերտ Պապոյանի վիճակն այս պահին արդեն լավ է: Այս մասին Sputnik Արմենիային ասեց «Գյումրի» բժշկական կենտրոնի գլխավոր բժիշկ Արմեն Խաչատրյանը:
«Պապիկի առողջական վիճակն արդեն լավ է և առաջիկա 2 օրերի ընթացքում նա դուրս կգրվի հիվանդանոցից»,-նշեց բժիշկը` տեղեկացնելով, որ վիրահատվել էր պապիկի պարանոցը:
Նշենք, որ դեպքը տեղի էր ունեցել ապրիլի 25-ի գիշերը, 03։30-ի սահմաններում Գյումրու Անի թաղամասի բնակարաններից մեկում: Դիմակավորված անհայտ անձը պատշգամբով ներխուժել էր բնակարան՝ փնտրելով ինչ-որ իրեր: 80-ամյա պապը արթնանալով փորձել է վնասազերծել գողին: Կողոպտիչին հաջողվել է փախչել, սակայն, մինչ այդ նա դանակահարել է տանտիրոջը: Վերջինս հասցրել է նաև իր հետ որոշակի գումար տանել:
Հավելենք, որ բնակարանը գտնվում է ոստիկանության անմիջական «քթի տակ»՝ ոստիկանության Մուշի բաժնի ստորաբաժանման երկրորդ հարկում:
Դեպքի առթիվ ոստիկանությունում նյութեր են նախապատրաստվում։