Պետրոսյան. «Խնդիր եմ տեսնում, երբ Վանեցյանն իր կարծիքն է հայտնում մեղադրանքի մասին»
© Sputnik
«Թեև Սանասարյանի գործի քննությունը ԱԱԾ-ի քննչականի վարույթում է, այդուհանդերձ որոշակի խնդիր եմ տեսնում, երբ Վանեցյանն իր կարծիքն է հայտնում մեղադրանքի մասին»,-Sputnik Արմենիայի հետ զրույցում ասում է Դավիթ Սանասարյանի պաշտպանը։
Նա հիշեցնում է, որ դիմել են Գլխավոր դատախազությանը՝ քրեական գործի նախաքննությունը ԱԱԾ-ից ՀՔԾ տեղափոխելու համար։ Ինքը՝ Վանեցյանը հայտարարել է, որ խնդիր չի տեսնում գործն իրենց վարույթից տեղափոխելու հարցում։
«Ես այստեղ նաև անմեղության կանխավարկածի խախտման որոշակի խնդիր եմ տեսնում, երբ Վանեցյանը հայտարարում է գործի դատարան գնալու մասին։ Մինչդեռ մենք պնդում ենք, որ գործը չպետք է գնա դատարան»,-նշում է փաստաբան Պետրոսյանը։
Պաշտպանի խոսքով, Սանասարյանի գործը շինծու է, և իր պաշտպանյալն անմեղ է։