Sputnik Արմենիայի թղթակիցները «Համով Հայաստան» խոհարարական նախագծի շրջանակում Սեդրակ Մամուլյանի խոհարարական ստուդիայի խոհարար Աննա Մաթևոսյանի հետ «Լցոնած սերկևիլ» են պատրաստել։
Այս ուտեստի պատրաստումը քիչ ժամանակ է պահանջում. անհրաժեշտ է սերկևիլ, դարչին, ընկույզ, չրեր, մեղր և անանուխ։
Նախևառաջ մաքրում ենք սերկևիլի կորիզները, կտրատում սալորաչիրն ու ընկույզը։ Սերկևիլի մեջ մեղր ենք լցնում և դնում ջեռոցի մեջ 20 րոպեով։ Ընկույզին և սալորաչրին ավելացնում դարչին։
Սերկևիլի մեջ լցնում ենք ընկույզով սալորաչիրը։ Թողնում ջեռոցի մեջ ևս 10 րոպե։ Հանում ջեռոցից, վրան մեղր լցնում, զարդարում և մատուցում։
Բարի ախորժակ։
Մանրամասները դիտեք տեսանյութում։