ԵՐԵՎԱՆ, 27 ապրիլի — Sputnik. ԱՄՆ-ի նախագահի Դոնալդ Թրամփի վրա բջջային հեռախոս են նետել, երբ նա Ինդիանայում Ազգային հրաձգային ասոցիացիայի դիմաց ելույթի համար բեմ է բարձրացել։ Այդ մասին հաղորդում է Fox News-ը։
Միջադեպի տեսագրությունը հրապարակվել է Twitter-ում։
Կադրերում երևում է, թե ինչպես է հեռախոսը բազմության միջից թռչում ամերիկյան առաջնորդի կողմ և ընկնում բեմին՝ նրանից մի քանի քայլ հեռավորության վրա։
Չարագործին բռնել են։ Ավելի ուշ պարզվել է, որ նա հարբած է եղել։ Այդ արարքի պատճառները դեռ հայտնի չեն, հետաքննությունը շարունակվում է։