ԵՐԵՒԱՆ, 24 ապրիլի-Sputnik. Էրտողան այսօր Անգարայի մէջ ելոյթ ունեցած է արխիւներու զարգացման եւ պատմութեան ուսումնասիրութեան կապակցութեամբ գիտաժողովի ընթացքին: Ելոյթին մէջ անդրադարձած է Ֆրանսային Հայոց ցեղասպանութեան դիրքորոշման վերաբերեալ, ըսած է, որ «Ալճերիոյ եւ Ռուանտայի մէջ միլիոնաւոր իսլամներու սպաննած Ֆրանսան, չի կրնար դասեր տալ Թուրքիոյ»: Այս մասին ինչպէս կը հաղորդէ թրքական «Անատոլ» լրատուական գործակալութիւնը:
Ան աւելցուցած է, որ այն կազմակերպութիւններն ու պետութիւնները , որ կ’արծարծեն հայկական հարցը, մինչեւ օրս չեն կրցած փաստաթուղթերով ապացուցել զայն: Նշած է, որ կոտորածները բան մըն են, իսկ տեղահանումը այլ բան:
Էրտողան իր խօսքին մէջ կոչ ուղղած է Հայաստանին, որ ճշմարտութիւնը փնտռէ պատմական փաստերու միջոցով, որոնք ամրագրուած են եւ արխիւացուած:
Ինչպէս պարզ կը դառնայ, որ Էրտողան տակաւին կը շարունակէ իր ժխտողական քաղաքականութիւնը, պնդելով, որ իրենց արխիւներուն մէջ կան փաստական տուեալներ, որ պէտք է ուսումնասիրուին հոտազօտողներու կողմէ: