ԵՐԵՎԱՆ, 22 ապրիլի — Sputnik. Մեր տեղեկություններով այսօր առավոտյան Արմավիրի հրշեջ-փրկարարական վարչության աշխատակիցները, հատուկ տեխնիկայի օգնությամբ, բացել են Արմավիր քաղաքի Շահումյան փողոցի 39-րդ շենքի բնակարաններից մեկի դուռը:
Այդ տանը միայնակ ապրում էր 77-ամյա մի կին: Նա վաղ առավոտից հարևանների կանչերին չի արձագանքել, ուստի նրանք ահազանգել են 911:
Բնակարան մտած հրշեջ-փրկարարներն ու իրավապահները ներսում հայտնաբերել են միայնակ ապրող կնոջ դին:
Մահացածի որովայնին այրվածքներ են եղել:
Իրավապահները պարզում են մահվան ու այրվածքների առաջացման պատճառները. դրանք հայտնի կդառնան դիակի դատաբժշկական փորձաքննությունից հետո: