ԵՐԵՎԱՆ, 19 ապրիլի — Sputnik. ՀՀ վարչապետ Նիկոլ Փաշինյանի կինը մի պահ ննջել էր նրա Facebook-ի live-ի ժամանակ։
Այս մասին քիչ առաջ հայտարարեց Նիկոլ Փաշինյանը` ընդհատելով իր խոսքը ուղիղ եթերում։
«Աննա, էդքա՞ն անհետաքրքիր է»,– ասաց նա՝ դիմելով կնոջը, Աննա Հակոբյանին, որը նստած էր նույն սենյակում, բայց կադրում չէր երևում։ Ապա վարչապետը դիմեց Facebook-ի օգտատերերին` բացատրելով ստեղծված իրավիճակը. «Աննան այստեղ նստած աչքը կպել էր»։
Վարչապետն ու Աննա Հակոբյանն այս դիտարկումից հետո ծիծաղեցին ստեղծված իրադրության վրա, ինչից հետո Փաշինյանը շարունակեց պատասխանել օգտատերերի հարցերին։
Հիշեցնենք` Նիկոլ Փաշինյանն արդեն 2 ժամ է, ինչ պատասխանում է ֆեյսբուքյան օգտատերերի հարցերին։ Վարչապետի պատասխաններին են արժանացել ֆեյսբուքում առավելագույն հավանումների արժանացած հարցերը։