ԵՐԵՎԱՆ, 19 ապրիլի — Sputnik. Բագրատաշենի մաքսատանը նոր միջադեպ է գրանցվել։ Այսօր ՖԲ օգտատերերի հետ վիրտուալ հանդիպման ժամանակ հայտնեց Նիկոլ Փաշինյանը` պատասխանելով քաղաքացիների խնդրանքին` վերականգնել աշխատանքից հեռացված մաքսատան աշխատակցին։
ՀՀ վարչապետը նշեց, որ շատ է վերլուծել այդ օրվա իր գործողությունները։
«Պետք է խոստովանեմ, որ ես համարում եմ, որ ճիշտ եմ ռեակցիա տվել։ Գուցե այդ աշխատանքից ազատված քաղաքացու համար դոզան շատ էր»,– ասաց նա` հալվելով, որ իր համար այդ երիտասարդն ընդամենը սիմվոլ է եղել պետական պաշտոնյայի, որն անարգում է դրոշը։
Փաշինյանը նշեց նաև, որ օրերս իմացել է Բագրատաշենի մաքսատանը տեղի ունեցած մեկ այլ միջադեպի մասին, երբ երիտասարդը անցել է ճամպրուկների համար նախատեսված ռենտգեն սարքի միջով ու այդ տեսանյութը հայտնվել է համացանցում, ընդ որում` մաքսատան աշխատակիցների ձեռամբ։
«Ու ոչ միայն նկարում են, այլև կանգնած հռհռում են»,– ասաց բարկացավ նա։
Հիշեցնենք, որ ՀՀ վարչապետ Նիկոլ Փաշինյանն ապրիլի 14-ին Նորագավիթի ավտոմաքսատանը շրջայցի ընթացքում տեսել էր, որ անկյունում դրված է Հայաստանի դրոշը` կեղտոտ վիճակում, և բարկացած կարգադրել էր բոլորին ազատել աշխատանքից։