ԵՐԵՎԱՆ, 19 ապրիլի — Sputnik. Քիչ առաջ ոտքերի բազմաթիվ վնասվածքներով Նոր նորքի Սուրբ Գրիգոր Լուսավորիչ բժշկական կենտրոն է տեղափոխվել Երևանի բնակիչ 40-ամյա մի տղամարդ, որը հայտնի է «Դռիկ Ալիկ» մականվամբ։
Sputnik Արմենիայի տեղեկություններով, նա այս պահին վիրահատարանում է։
Նախնական վարկածով` տղամարդու ոտքերին կրակել են։ Թե ինչ տեսակի հրազենով, այս պահին հայտնի չէ։
Տղամարդը հիվանդանոց է տեղափոխվել Ավանի գերեզմանների մոտից և իր մեքենայով։ Վնասվածքները ստանալուց հետո նա չի կարողացել ինքնուրույն վարել մեքենան, նրան օգնության է հասել պատահական անցորդը , որը վիրավորին իր «Նիվա» մակնիշի ավտոմեքենայով հասցրել է հիվանդանոց։
Իրավապահները պարզում են կատարվածի հանգամանքները։