ԵՐԵՎԱՆ, 17 ապրիլի – Sputnik. Տավուշի մարզի Պառավաքար համայնքում այսօր արձանագրվել է շան կծելու 2 դեպք, որից հետո շունն անմիջապես սատկել է։
Այս մասին հայտնում է ՀՀ առողջապահության նախարարությունը։
«Տուժածներից մեկը 7 տարեկան երեխա է (շունը կծել է ականջի հետին մասը), մյուսը զինվորական է (կծել է սրունքի հատվածը)»,– նշված է հաղորդագրության մեջ։
Նրանք ստացել են հակակատաղության պատվաստման առաջին ներարկումը, կստանան նաև հակակատաղության իմունագլոբուլինը։
Տուժածների վիճակը բավարար է և գտնվում են բժիշկների հսկողության ներքո:
Դեպքի մասին տեղեկացել է Սննդամթերքի անվտանգության պետական ծառայությունը` շան գլուխը հետազոտելու համար։