Մինասյան․ «Կարող ես ցանկացած տեղից, ասենք՝ ակումբից, խոսել ղեկավարի հետ՝ չմատնելով տեղդ»
© Sputnik
Ըստ ստրատափի հեղինակի՝ նոր տեխնոլոգիան հնարավորություն կտա վիդեոզանգի ժամանակ կտրել ամբողջ ֆոնը և թողնել միայն մարդու պատկերը, ավելին, հետևի ֆոնը փոխել ցանկացած ֆոնով։
«Արդյունքում մարդը հնարավորություն կունենա ցանկացած տեղից զանգ անել։ Կարող ես ցանկացած տեղից ակումբից, ռեստորանից խոսել ղեկավարի հետ և նա չի իմանա, թե դու որտեղ ես՝ տանը, աշխատավայրում, թե ռեստորանում»,- ասում է Մինասյանը։
Ընկերությունը, մինչ այս նորամուծությունը, հայտնի էր աղմուկի մաքրման ծրագրով՝ Krisp-ով։ Ծրագիրը, որը միակն է մեր երկրում, իսկ աշխարհում ունի միայն մեկ մրցակից, թույլ է տալիս աղմկոտ վայրից զանգ կատարել և մաքուր ձայն ստանալ։
2 ամսից անաղմուկ ծրագիրը հասկանալի կլինի նաև android և ios համակարգերի համար, իսկ վիդեոզանգի նոր տեխնոլոգիան՝ մինչև տարեվերջ։