ԵՐԵՎԱՆ, 15 ապրիլի — Sputnik. Հայտնի շոումեն Գարիկ Մարտիրոսյանի կինը` Ժաննա Լևինան, կատակի թեմա է դարձրել Ալսուի և Էլինա Ջանիբեկյանի հագուստը։ Նա ընկերուհիների հետ լուսանկար է հրապարակել Instagram-ում և կից գրել. «Սևամորթները»։
Կատակը դուր է եկել բաժանորդներին։ Շատերն են արձագանքել, իսկ օգտատերերից մեկին թվացել է, որ «ռասիզմի հոտ է գալիս»։
Երգիծաբանի կինը չի սահմանափակվել մի լուսանկարով և երկրորդն էլ հրապարակել։ «Ի տարբերություն իմ ընկերուհիների` ես գլուխ գովելու տեղ չունեմ. ես վերջույթներիս վրա հինգ մատ ունեմ»։
Այդ լուսանկարին արձագանքել է հայտնի երգիչ Ալեքսեյ Չումակովը։
«Հի՞նգ, թե՞ հնգական։ Աղջիկ ջան, անհանգստանում եմ, սկզբունքային պահ է», – գրել է նա։
Անտարբեր չի մնացել նաև Գարիկ Մարտիրոսյանը և մեկնաբանություններում «սրտիկ» է ավելացրել։
Մյուս բաժանորդները նույնպես աչքի են ընկել սրամտությամբ։
«Հինգ մա՞տ։ Դա արդեն նորաձև չէ», «Քաղցր խառնուրդ` հրեա+թաթար+հայ», «Օ՜յ, Չարլիի հրեշտակները», «Ինչպես միշտ, անխղճորեն լավն եք մյուսներից»։
Նշենք, որ Ժաննան և Ալսուն վաղուց են ընկերություն անում։ Մեդիամագնատ Արթուր Ջանիբեկյանի կնոջ` Էլինայի հետ նրանք ձևավորել են ռուսական շոու բիզնեսի ամենավառ եռյակը։