Արմավիրի մարզի Զարթոնք գյուղում լարված իրավիճակ է։ Այսօր առավոտյան գյուղում ապրող մի խումբ անձինք հարձակվել են Զարթոնքի դպրոցի հաշվապահի, ապա գյուղապետի` Պարույր Սարգսյանի տան վրա, ջարդուփշուր են արել գյուղապետի սեփական և ծառայողական մեքենաները։ Տեղում մեծ թվով ոստիկաններ վերահսկում են իրավիճակը։
Գյուղացիներն ու գյուղապետը դատի են տալիս իրար. բողոքի ակցիաները հասել են Զարթոնք
Ծեծկռտուքի ժամանակ մասնակիցներից մեկը որսորդական հրացանով կրակել է օդ։ Ոստիկանության ծառայողները կանխել են հնարավոր արյունահեղությունը' հանդարտեցնելով գյուղում ոտքի կանգնած զանգվածներին։ Կան բերման ենթարկվածներ, մի քանի հոգի էլ վնասվածքներով տեղափոխվել են հիվանդանոց։
Զարթոնք է մեկնել Դավիթ Սանասարյանը
Այս պահին գյուղի բնակիչների մի մասը փակել են գյուղի սկզբնամասում գտնվող Երևան-Գյումրի երկաթգիծը և պահանջում են գյուղապետ Պարույր Սարգսյանի հրաժարականը։
Նախնական վարկածով` կրակողը եղել է գյուղապետի թոռը` Նարեկ Մելքոնյանը։