ԵՐԵՎԱՆ, 12 ապրիլի — Sputnik. Քիչ առաջ խոշոր պատահար է տեղի ունեցել մայրաքաղաքում։
Մյասնիկյան պողոտայում Օպելը դուրս է եկել երթևեկելի գոտուց ու բախվել բենզալցակայանի լիցքակետին, բետոնե արգելապատնեշին ու ծառերին և տեղահան արել դրանք։
Մեր տեղեկություններով մեքենայի ուղևորը մարմնական վնասվածքներով տեղափոխվել է Սուրբ Գրիգոր Լուսավորիչ բժշկական կենտրոն։ Վարորդը չի տուժել։
Տեղում ծառայություն իրականացնող ճանապարհային ոստիկանները ստուգել են նրա սթափության աստիճանը։ Վարորդն ալկոհոլի ազդեցության տակ չի եղել։
Վթարի մյուս հանգամանքները պարզվում են։