ԵՐԵՎԱՆ, 10 ապրիլի – Sputnik. Հայաստանում ճանապարհատրանսպորտային պատահարների հետեւանքով մահացած քաղաքացիների թիվը նվազել է։ Facebook սոցիալական ցանցի իր էջում այս մասին գրել է ՀՀ վարչապետ Նիկոլ Փաշինյանը։
«Ուրախ եմ տեղեկացնել, որ 2019 թվականի առաջին եռամսյակում նախորդ տարվա նույն ժամանակահատվածի համեմատ ճանապարհատրանսպորտային պատահարների հետեւանքով մահացած քաղաքացիների թիվը նվազել է 17.3 տոկոսով»,– գրել է նա:
Փաշինյանն ավելացրել է` սա այն դեպքում, երբ ավտոմեքենաների թիվն ավելացել է էականորեն, իսկ արագաչափերով և տեսախցիկների տուգանքները նախորդ տարվա նույն ժամանակահատվածի նկատմամբ նվազել են շուրջ 51 հազար հատով: