ԵՐԵՎԱՆ, 9 ապրիլի — Sputnik. Ապրիլի 13–ին Մոսկվայում առաջին անգամ տեղի կունենա Little Miss Armenia գեղեցկության մրցույթը, որին տասնչորս հայ աղջնակ է մասնակցում։ Մասնակցության հայտեր են ներկայացրել ընդհանուր առմամբ 150 աղջիկ։
Այս մասին Sputnik Արմենիային հայտնել են մրցույթի կազմակերպիչները։
«Աղջնակները տարիքը տատանվում է 5–ից 10 տարեկանի միջև։ Նրանք գալիս են պատրաստի կերպարներով ու տարբեր համարներով` պարեր, վոկալ ու նույնիսկ մարմնամարզություն», – ասաց մրցույթի կազմակերպիչ Լյուդմիլա Ասլանյանը։
Մասնակիցները երեկոյան զգեստներ ու տարազներ են կրում` այսպիսով ցուցադրելով ոչ միայն իրենց գեղեցկությունն, այլև արտիստիկ տվյալները։
Նշենք, որ մրցույթը Ռուսաստանի հայ երիտասարդներն իրենց ուժերով են կազմակերպել։ Ժյուրիի անդամների շարքում են Հայաստանի վաստակավոր արտիստներ երգչուհի Սոնան ու երգիչ Արամեն, Sochi Fashion Week–ի կազմակերպիչ Պապին Ապրոյանը, Rosiver School - Sali Rosiver վոկալի դպրոցի տնօրեն, կինոյի ու հեռուստատեսության պրոդյուսեր Աիդա Գիրցբան։