ԵՐԵՎԱՆ, 9 ապրիլի — Sputnik.Հայաստանը ռուսական շուկայում չորրորդ տեղն է զբաղեցրել միգրանտների քանակությամբ։ Այս մասին նշվում է Սոցիալական վերլուծության ու տեսության 2018 թվականի զեկույցում։
«2018 թվականին Հայաստանից Ռուսաստան մեկնած քաղաքացիների թիվը ոչ զգալիորեն աճել է ու կազմել 14,4 հազար մարդ` նախորդ տարվա 14 հազարի փոխարեն։ Սա չորրորդ ցուցանիշն է Տաջիկստանից` 31 հազար, Ղազախստանից` 26,5 հազար և Ուկրաինայից`14,8 հետո», – ընդգծվում է ռուսական ինստիտուտի զեկույցի մեջ։
Ուսումնասիրության մեջ նշվում է նաև, որ 2018 թվականին Ռուսաստան եկածների թիվը 2017 թվականի համեմատ նվազել է 4%–ով ու 124 900 մարդ է կազմել, իսկ երկիրը լքածների թիվը, հակառակը, աճել ու կազմել է 16,9%։ Փորձագետներն այս ցուցանիշը պատմական մինիմում են համարում։
Ինստիտուտի մասնագետների կանխատեսումներով` այս տարի միգրանտների հոսքը Ռուսաստան կարող է աճել, սակայն այն չի գերազանցի 200 հազարը։