ԵՐԵՎԱՆ, 9 ապրիլի — Sputnik. ՊԵԿ–ի տեսուչներն ու օպերատիվ աշխատակիցները ավարտեցին ստուգումները ԲՀԿ–ի ղեկավար Գագիկ Ծառուկյանին պատկանող «Առինջ մոլում»։
ՊԵԿ–ի աշխատակիցները տնօրենի աշխատասենյակից փաստաթղթեր են վերցրել և հեռացել։ Ստուգումները մի քանի ժամ են տևել։
«Մենք միշտ գործել ենք օրենքի շրջանակում։ Սպասում ենք ստուգումների ավարտին։ Դրանից հետո կհայտնեմ բոլոր մանրամասները», – լրագրողներին ասաց «Առինջ մոլի» տնօրեն Սամվել Հակոբյանը։
Տաղավարներ վարձակալող վաճառականներն էլ պնդում են, որ տնօրինությունը նրանցից վարձավճար չի վերցնում։