ԵՐԵՎԱՆ, 9 ապրիլի — Sputnik. Ճանապարհային ոստիկանությունը Երևան-Սևան մայրուղու վրա կանգնեցրել է ագրեսիվ ընթացքով երթևեկող վարորդի:
Ինչպես հայտնում է Sputnik Արմենիայի թղթակիցը, մայրաքաղաքի մուտքի մոտ, Հյուսիսային ավտոկայանի հանդիպակաց հատվածում, ՃՈ երկու մեքենաներ կասեցրել են նրա ընթացքը:
Մայրուղու վրա գոյացել էր մեքենաների կուտակում:
«Քաղաքացին մեքենա վարելիս խոսում էր հեռախոսով, ամրագոտին ամրացրած չէր: Մենք պահանջեցինք, որ նա կանգ առնի, բայց նա անտեսեց մեր պահանջը և հեռացավ մեզանից մեծ արագությամբ»,- Sputnik Արմենիային ասաց ոստիկանության կապիտան Գևորգյանը:
Վարորդին հարկադրել են կանգ առնել մայրուղում մեջտեղում՝ ոստիկանության երկու մեքենաներով արգելափակելով նրան առջևից և հետևից, ապա ոստիկանները մեքենան տեղափոխել և կայանել են ճամփեզրին: