ԵՐԵՎԱՆ, 8 ապրիլի — Sputnik. Ռումինիայի ոստիկանությունը մանրազնին ստուգում է Սև ծովի ափը այն բանից հետո, երբ ալիքներն ափ են հանել 130 կգ կոկաին։ Այդ մասին հաղորդում է BBC–ն։
Թմրանյութերով փաթեթները գտել են ապրիլի 5–ին և 6–ին Կոնստանց շրջանի ափին։
Գտածոյի հետ կապված` պարեկության են ուղարկվել ոստիկանության 300 սպաներ և ծովափնյա պահակության 14 նավեր։ Բացի այդ, որոնումներում գործարկված են երկու ուղղաթիռներ, ինչպես նաև սուզորդներ։ Որոնողական գործողությունն ընդգրկում է ծովափի 90 կմ տարածք։
Իրավապահ մարմինները կոչ են արել մոտակա քաղաքի բնակիչներին չբացել գտածոները և զանգահարել ոստիկանություն։ Երկու սերբ արդեն ձերբակալվել է մաքսանենգության մեջ կասկածանքով։