ԵՐԵՎԱՆ, 4 ապրիլի – Sputnik. Քիչ առաջ ողբերգական դեպք է տեղի ունեցել Արագածոտնի մարզում։ Թալին քաղաքի Ձորափնյա փողոցի տներից մեկում հայտնաբերվել է 1930 թվականին ծնված բնակչուհու դին։ Թոշակառու կինը մահացել է տանը բռնկված հրդեհի հետևանքով։
Ողբերգական դեպք Արագածոտնի մարզում. կինը մահացել է այրվող տանը
© Sputnik / Stringer
Մեր տեղեկություններով` նա ընտանիքի հետ է ապրում, բայց տանը մենակ է եղել։ Հարսն է եկել տուն ու տեսել, որ ներսում հրդեհ է։
Նա անմիջապես ահազանգել է հրշեջ ծառայություն և ոստիկանություն։
Հրշեջները կրակը մարել են, բայց կնոջ կյանքը փրկել չի հաջողվել։