«Մոտ 100% դեպքերում արգանդի վզիկի քաղցկեղի առաջացման պատճառը հենց պապիլոմա վիրուսն է»,-փաստում է Սոնա Տերմենջյանը։
Նրա խոսքով, ամեն տարի ՀՀ-ում 250-270 դեպք է հայտնաբերվում, յուրաքանչյուր 36 ժամը մեկ մի կնոջ մոտ ախտորոշվում է արգանդի պարանոցի քաղցկեղ, և ամեն 72 ժամը մեկ մի կին մահանում է արգանդի պարանոցի քաղցկեղից։
«Պապիլոմա վիրուսն ամենահաճախ հանդիպող սեռավարակներից է։ Վիրուսը կարող է փոխանցվել ինչպես մաշկ-մաշկ, այնպես էլ լորձաթաղանթ-լորձաթաղանթ և մաշկ–լորձաթաղանթ շփման ճանապարհով, այսինքն՝ վիրուսը միայն սեռական ճանապարհով չի փոխանցվում»,- բացատրում է մասնագետը։
Ըստ ԵՊԲՀ «Հերացի» հիվանդանոցային պոլիկլինիկայի բաժնի վարիչ Սոնա Տերմենջյանի, դեռահաս աղջիկների մոտ վարակ ունենալու հավանականությունը բացակայում է, որովհետև նրանք այդ տարիքում դեռևս սեռական կյանքով չեն ապրում։