ԵՐԵՎԱՆ, 2 ապրիլի – Sputnik. Մեր տեղեկություններով՝ ապրիլի լույս 2-ի գիշերը արտառոց դեպք է տեղի ունեցել Երևանում. 14 տարեկան մի աղջիկ փորձել է ինքնասպան լինել: Նա գիշերը մեծ քանակությամբ «դիմեդրոլ» տեսակի դեղահաբեր է ընդունել:
Մայրը տեսել է, որ աղջկա ինքնազգացողությունը վատացել է և անմիջապես տեղափոխել է «Մուրացան» բժշկական կենտրոն, որտեղ աղջկա կյանքը փրկվել է:
Մեր տեղեկություններով՝ այդ ծայրահեղ քայլին դիմած աղջիկն ապրում է մոր հետ՝ բարեկեցիկ կյանքով:
Ընտանիքի հայրն արտերկրում է և պաշտոն ունի միջազգային կազմակերպություններից մեկում:
Ոստիկանության հասարակայնության հետ կապի և լրատվության վարչությունից տեղեկացանք, որ դեպքի առթիվ ոստիկանության Կենտրոնական բաժնում նյութեր են նախապատրաստվում:
Հանգամանքները պարզվում են: