ԵՐԵՎԱՆ, 31 մարտի — Sputnik. Արարատի մարզի Ջրաշեն գյուղում տղամարդը կնոջն ու երեխաներին փրկել է խեղդվելուց։ Sputnik Արմենիայի տեղեկություններով` այսօր Երևանի Մուրացան բժշկական կենտրոն է տեղափոխվել մայրն իր անչափահաս երկու երեխայի հետ: Նրանք ապրում են Արարատի մարզի Ջրաշեն գյուղում:
Տանը առօրյա գործերով զբաղվելու ընթացքում նրանց ինքնազգացողությունը վատացել է: Կինն, արագ կողմնորոշվելով, զանգել է ամուսնուն, որն էլ նրանց շտապ հասցրել է հիվանդանոց:
Նախնական վարկածով՝ նրանք թունավորվել են շմոլ գազից, որը կա՛մ արտահոսել է գազի կաթսայից, կ՛ամ գազօջախից: Ոստիկանության մամուլի ծառայությունից տեղեկացանք, որ դեպքի առթիվ ոստիկանության Էրեբունու բաժնում նյութեր են նախապատրաստվում: Նշանակվել է դատաբժշկական փորձաքննություն: