«Փորձելու ենք քաղաքական դաշտում անել ամեն ինչ, որպեսզի կանխենք այս իշխանությունների վերարտադրությունը՝ ինչ դեմքով էլ այն լինի»,- Sputnik Արմենիային ասել է Արցախի Ազգային ժողովի ընդդիմադիր «Ազգային վերածնունդ» կուսակցության նախագահ Հայկ Խանումյանը։
«Ազգային վերածնունդ» կուսակցության նախագահ Հայկ Խանումյանի խոսքով` նախագահական ընտրություններին մասնակցության համար կուսակցությունում քննարկվում է մի քանիսի, այդ թվում՝ իր թեկնածության հարցը։
«Իհարկե, մեր ռեսուրսները բավականին քիչ են, խոսքը հատկապես նյութական ու ֆինանսական ռեսուրսների մասին է։ Բայց մարդկային ռեսուրսներն անընդհատ ավելանում են, և անընդհատ ակտիվ մարդիկ են միանում, որոնք աշխատում են տարբեր ուղղություններով, ինչը շանս է տալու հաջողությունների համար»,-խոստովանում է Խանումյանը։
Քաղաքական գործիչը հույս է հայտնում, որ առաջիկայում կարողանալու են կազմակերպել աշխատանքներն ու համապատասխան ալիք են ստեղծելու՝ փոփոխությունների պահանջի և դրանց իրականացման համար։