ԵՐԵՎԱՆ, 26 մարտի — Sputnik. Խոշոր ավտովթար է տեղի ունեցել Էջմիածին քաղաքի սկզբնամասում։
Ֆոլկսվագեն մակնիշի ավտոմեքենան բախվել է քաղաքի կենտրոնական փողոցի կանգառներից մեկի գրպանիկում կայանված Նիսանին, որի սրահում մարդ չի եղել։
Մեր տեղեկություններով Ֆոլկսվագենի վարորդն ու նրա երկու ուղևորները մարմնական վնասվածքներով տեղափոխվել են Վաղարշապատ բժշկական կենտրոն։
Ուժգին բախման հետևանքով մեքենաները դուրս են եկել ճանապարհից։ Ֆոլկսվագենը բախվել է գազատար խողովակին՝ տեղահան անելով այն, իսկ Նիսանը՝ կանգառի ցուցանակին։