ԵՐԵՎԱՆ, 26 մարտի — Sputnik.Sputnik Արմենիայի տեղեկություններով` այսօր Դավիթ անունով քաղաքացին իր ավտոմեքենայից սոցցանցի ուղիղ հեռարձակման` «լայվի» միջոցով հայտնել է, որ պատրաստվում է կառավարության դիմաց ինքնահրկիզում իրականացնել։
Լուրը Sputnik Արմենիայի հետ զրույցում հաստատեցին ՀՀ ԱԻՆ–ից` հավելելով, որ ահազանգ են ստացել Դավիթ անունով քաղաքացուց, որը հայտնել էր Հանրապետության հրապարակում` կառավարության շենքի դիմաց ինքնահրկիզման ակտ իրականացնելու մտադրության մասին։
Կառավարության շենքի մոտ է մեկնել ԱԻՆ մեկ մարտական հաշվարկ, սակայն տղամարդն այնտեղ չէ։
ՀՀ ԱԻՆ–ից Sputnik Արմենիայի հայտնեցին նաև, որ գերատեսչության աշխատակիցները` ոստիկանության հետ միասին, վերահսկում են իրավիճակը։