ԵՐԵՎԱՆ, 26 մարտի – Sputnik. Արցախի ՊԲ-ում մոտ օրերս նոր լայնամասշտաբ փոփոխություններ են լինելու բարձրաստիճան զինվորականների շրջանում: Այս մասին գրում է «Հրապարակ» օրաթերթը։
«Մասնավորապես, թոշակի կուղարկեն լեգենդար Օգանովսկուն` պաշտպանության նախարարի առաջին տեղակալ Սամվել Կարապետյանին, որի պաշտոնանկության մասին խոսում էին ՊԲ հրամանատար Լևոն Մնացականյանի փոփոխությունից հետո»,– նշված է հոդվածում:
Պարբերականի աղբյուրների փոխանցմամբ` Օգանովսկու պաշտոնանկությունը պաշտոնապես բացատրում են առողջական խնդիրներով: Նույն պատճառով պաշտոնին հրաժեշտ կտա նախարարի մեկ այլ տեղակալ ևս` Գարիկ Սաֆարյանը, որը անցած տարի տևական բուժման կուրսեր է անցել: Իսկ տեղակալներից երրորդը` Վարդան Բալայանը, կանցնի զինվորական թոշակի:
Թերթի աղբյուրների փոխանցմամբ՝ փոփոխությունները սրանով չեն ավարտվելու, և գուցե հաջորդ ալիքը բարձրանա։