ԵՐԵՎԱՆ, 25 մարտի — Sputnik. ԱՄՆ նախագահ Դոնալդ Թրամփը Իսրայելի վարչապետ Բենիամին Նեթանյահուի հետ հանդիպման ժամանակ պաշտոնապես ճանաչել է Իսրայելի ինքնավարությունը Գոլանի բարձունքների հանդեպ:
Հանդիպումը կայացել է այսօր՝ մարտի 25-ին, Սպիտակ տանը և հեռարձակվել է Սպիտակ տան Twitter-ի էջում:
«Սա իսկապես պատմական օր է»,- ասել է Իսրայելի վարչապետը ԱՄՆ նախագահի հետ հանդիպման ժամանակ:
Հիշեցնենք, երկուշաբթի առավոտյան պաղեստինցիների վերահսկողության տակ գտնվող տարածքներից արձակված հրթիռը հարվածել էր Իսրայելի խիտ բնակեցված բնակավայրերից մեկում գտնվող շենքի, որի հետևանքով վնասվածքներ էին ստացել 7 մարդ, ներառյալ՝ երեխաներ:
Դեպքը պատճառ էր դարձել, որ Բենիամին Նեթանյահուն կրճատի ԱՄՆ այցի ժամկետը և հայրենիք վերադառնա Թրամփի հետ բանակցություններից հետո: