2020 թվականի Եվրոպայի առաջնության ընտրական փուլի շրջանակում Հայաստան – Ֆինլանդիա խաղը տեղի կունենա Երևանում «Հանրապետական» մարզադաշտում մարտի 26–ին։
Ֆինլանդիայի հավաքականի գլխավոր մարզիչ Մարկու Կաներվանն այսօր կայացած ասուլիսի ժամանակ ասել է, որ նրա թիմը վաղը հաղթելու համար կանի ամեն ինչ։ Ֆինները վախենում են Հայաստանի հավաքականի կապիտան Հենրիխ Մխիթարյանից ու մտադիր են հաղթանակի հասնել պաշտպանության ու հարձակման մեջ հավասարառված խաղի շնորհիվ։
Մարտի 23–ին հայ ֆուտբոլիստները Սարայևոում պարտվել էին բոսնիացիներին J խմբի խաղում 1:2 հաշվով։
Նշենք` Հայաստանի հավաքականը Ֆինլանդիայի հետ հանդիպումից ոչ այդքան լավ հիշողություններ ունի։ Վերջին անգամ նրանք հանդիպել են 2006 թվականին Եվրո – 2008–ի ընտրական փուլում (0:0, 0:1)։